Mediat serbe kanë shkruar për vendimin e kryeministrit të Kosovës Albin Kurti, për heqjen e taksës për importet e lëndëve të para ndaj Serbisë dhe Bosnje e Hercegovinës.
“Novosti” ka cituar Kurtin, i cili në një konferencë të jashtëzakonshme për media, ka thënë se heqja e taksës është "një shenjë e vullnetit të mirë të palës së Kosovës për të zgjidhur problemet dhe marrëdhëniet".
Mediat serbe, heqjen e taksës e ka quajtur “fitore të Serbisë”, përcjell Bota sot.
“ Kryeministri Albin Kurti i Kosovës njoftoi se taksat për importin e lëndëve të para nga Bosnja dhe Hercegovina dhe Serbia qendrore do të shfuqizohen nga 15 marsi. Kurti i ka kërkuar Beogradit që të përfundojë fushatën për të tërhequr njohjen e Kosovës.”
Duke folur në një konferencë emergjente në Prishtinë, Albin Kurti tha se heqja e taksës për importin e lëndëve të para ishte "një shenjë e vullnetit të mirë të palës sonë për të zgjidhur problemet dhe marrëdhëniet".
"Unë pres që qeveria serbe të përgjigjet duke ndërprerë fushatën dhe duke hequr pengesat e tjera jo tarifor”, ka thënë Kurti./BS