Themeluesi dhe botuesi i gazetës kombëtare “Bota sot”, Xhevdet Mazrekaj, në një shkrim të tij në rrjetin social Facebook, ka kujtuar fillimin e bombardimeve të NATO-s, duke e cilësuar si një ngjarje të madhe të jetës së tij.
Mazrekaj thotë se fillimi i bombardimeve ishte një gëzim i papërshkrueshëm për të, sa që tregon se edhe tani kur e kujton i jep një emocion të veçantë.
“E mbaj me shumë krenari në shtëpinë time, pasi i jep vlerë historisë sonë kombëtare dhe miqësisë së përhershme me Shtetet e Bashkuara të Amerikës. Dita kur NATO nisi bombardimet ndaj caqeve serbe, ishte më e lumtura e jetës sime. Gëzimi ishte i papërshkrueshëm, sa që edhe tash kur e kujtoj më jep një emocion të veçantë”, shkruan mes të tjerave themeluesi dhe botuesi i gazetës kombëtare “Bota sot”, Xhevdet Mazrekaj.
Ja shkrimi i plotë i Mazrekajt:
21 vjet nga bombardimet e NATO-s, faleminderit Amerikë
Me rastin e 21 vjetorit të bombardimeve të NATO-s në Kosovë, po e ndaj me ju kujtim të bukur.
Kjo është një dhuratë e çmuar nga njeriu që udhëhoqi sulmet e NATO-s kundër forcave serbe, gjenerali Wesley Clark.
Libri “Bërja e luftës moderne” , i nënshkruar nga vet gjenerali Clark është një ndër dhuratat më të veçanta për mua.
E mbaj me shumë krenari në shtëpinë time, pasi i jep vlerë historisë sonë kombëtare dhe miqësisë së përhershme me Shtetet e Bashkuara të Amerikës.
Dita kur NATO nisi bombardimet ndaj caqeve serbe, ishte më e lumtura e jetës sime. Gëzimi ishte i papërshkrueshëm, sa që edhe tash kur e kujtoj më jep një emocion të veçantë.
Faleminderit Amerikë, përherë mirënjohës ndaj teje!
