Këshilli i BE-së ka emëruar Miroslav Lajçak për të dërguar special të BE-së për dialogun mes Beogradit dhe Prishtinës dhe çështjet tjera regjionale në Ballkan, shkruan “Novosti” transmeton “Bota Sot”.
”Detyrat e të dërguarit ë ri special të BE-së janë arritja e marrëveshjes gjithëpërfshirëse të normalizimit të raporteve mes Kosovës dhe Serbisë dhe përmirësimi i raporteve fqinjësore dhe pajtimi mes partnerëve në Ballkan” thuhet në kumtesën e Këshillit të BE-së.
Në Bruksel është thënë se detyra primare e Lajçak mbetet puna në vazhdimin e dialogut mes Beogradit dhe Prishtinës.
I dërguari special Lajçak do të “punoj në tejkalimin e trashëgimisë së të kaluarës” dhe “veprimin e përkushtuar edhe efikas të BE-së në Ballkan”. Ai ka nisur qysh sot mandatin fillestar që zgjat 12 muaj.
” Përfaqësuesit special të BE-së promovojnë politikën dhe interesin e BE-së në vende edhe regjione të caktuara dhe çështjet me interes të veçantë apo interes të BE-së. Ata luajnë rol aktiv në përpjekjet për konsolidimin e reformave, stabilitetit dhe sundimit të ligjit” thonë ne Bruksel..
Shefi i diplomacisë së BE-së Zhosep Borel ka vlerësuar ministrin sllovak si njohës të rrethanave në Ballkan, andaj e ka propozuar qysh ne shkurt i të dërguar të Be-së dhe të vetin në dialogun mes Prishtinës dhe Beogradit.
