Lëvizja Vetëvendosje pas mbledhjes që ka mbajtur me qendrat e kësaj partie, janë dakorduar edhe për datën e zgjedhjeve të reja në Kosovë.
Sipas tyre, data e zgjedhjeve do të ishte adekuate për VV-në me 14 qershor. Kjo datë sipas Kurtit do t’i përshtatej partisë së tij, Vetëvendosjes që njëkohësisht do të festonte edhe 15 vjetorin e themelimit.
Pas publikimit të datës së zgjedhjeve nga LVV-ja ka reaguar ish-deputeti i LDK-së, Naser Rugova.
Ai thotë se sipas Kurtit, ai me Kadri Veselin dhe Vjosa Osmanin e paskan të njëjtin mendim për zgjedhje që të mbahen në qershor, por ua përkujton se LDK-ja nuk është trampolinë e askujt.
“Sipas Albinit, ai, Kadri Veseli i PDK-së dhe Vjosa jonë e paskan të njëjtin mendim për zgjedhje në qershor.
Çka me i thanë kësaj pune, përpos urime e suksese në projektet e së ardhmes.
LDK nuk është trampolinë e askujt”, shkruan zyrtari i LDK-së, Naser Rugova në Facebook, përcjell gazeta “Bota sot”.
