Është shtyrë data e mbajtjes së Testit të Arritshmërisë dhe Testit të Maturës Shtetërore, ndërsa kryetari i Prishtinës, Shpend Ahmeti tregon datat e reja për mbajtjen e këtyre testeve.
Testi i Arritshmërisë do të mbahet më 20.08.2020 dhe Testi i Maturës do të mbahet më datë 29.08.2020.
Njoftimi i plotë:
Në konsultim me Ministrinë e Shëndetësisë dhe IKShP-në për shkak të situatës epidemiologjike të ditëve të fundit dhe me qëllim të ruajtjes së shëndetit publik, Ministria e Arsimit dhe Shkencës ka marrë vendim që të shtyhet data e mbajtjes së Testit të Arritshmërisë dhe Testit të Maturës Shtetërore.
