Për shkak të reshjeve të shiut, në liqenin e Badocit dhe Batllavës është rritur niveli i ujit.
Reshjet e shiut kanë bërë që të ngritet niveli i ujit në liqenin e Badocit dhe të Batllavës.
Kompania Rajonale e Ujësjellësit “Prishtina”, ka bërë të ditur se në niveli i ujit në liqenin e Batllavës aktualisht është 628.47 metra mbi nivelin e detit ose 6.53 metra nën kuotën maksimale, ndërsa niveli i ujit në liqenin e Badocit është 640.10 metra mbi nivelin e detit ose 9.75 m nën kuotën maksimale.
Njoftimi i plotë, pa ndërhyrje:
Të nderuar konsumatorë, duke kërkuar nga ju që të vazhdoni me shpenzimin racional të ujit të pijshëm , ju njoftojmë me gjendjen e liqeneve akumuluese sipërfaqësore, pas reshjeve të shiut javën e fundit.
Sot, niveli i ujit në liqenin e Batllavës është 628.47 metra mbi nivelin e detit ose 6.53 m nën kuotën maksimale, ndërsa niveli i ujit në liqenin e Badocit është 640.10 metra mbi nivelin e detit ose 9.75 m nën kuotën maksimale.
Nga java e kaluar, liqeni i Badocit ka ngritje të nivelit prej 0.95 metra, ndërsa ngritje më të theksuar kemi në liqenin e Batllavës 1.61 m.
T’i ruajmë dhe mbrojmë burimet e ujit!
UJI ËSHTË JETË!.
