Sot në media është raportuar se Partia Demokratike e Kosovës, do të futet së shpejti në Qeverinë e udhëhequr nga Avdullah Hoti.
Por, një mundësi e tillë është hedhur poshtë nga partia e Kadri Veselit, përcjell Bota sot.
Zyrtari për media në PDK Avni Bytyçi, ka konfirmuar se lajmet e tilla janë vetëm spekulime, pasi PDK-ja do të mbetet në opozitë.
Ai ka thënë se deri më tani nuk është diskutuar kjo temë e hyrjes në qeveri, në asnjë nivel vendimmarrës të partisë.
Reagimi i Bytyçit në Facebook:
Partia Demokratike e Kosovës, është parti opozitare.
Deri më tani, nuk është diskutuar kjo temë e hyrjes në qeveri, në asnjë nivel vendimmarrës të partisë.
Çdo gjë që është duke u përfolur deri tani nëpër media, është vetëm në nivel të spekulimeve!
