Ministria e Punëve të Brendshme sqaron pse bleu pelena dhe brisqe për rroje

Aktuale

Ministria e Punëve të Brendshme sqaron pse bleu pelena dhe brisqe për rroje

Më: 13 gusht 2020 Në ora: 16:12
Agim Veliu

Ministria e Punëve të Brendshme që drejtohet nga Agim Veliu ka dhënë një tender prej 10 mijë e 180 euro për furnizim me material higjenik.

Këtë tender e ka fituar Beni Dona Plast SH.P.K.

Në mesin e produkteve të blera ka pelena, shamponë, krehër e brisqe për rroje.

MPB ka thënë se pelenat janë blerë për fëmijët dhe nevojat e personave të cilët qëndrojnë në Qendrën për Azil dhe Migracion në Republikën e Kosovës.

“Ju sqarojmë lidhur me kërkesën tuaj për aktivitetin e prokurimit me titull “Furnizim me material higjienik” për Departamentin për Shtetësi, Azil dhe Migracion (DSHAM), dhe në mesin e artikujve ka edhe Pampersa (ose ekuivalent), pasta të dhëmbëve, krehër, e bica për rroje dhe gjëra tjera si produkte të cilat janë me se të domosdoshëm për fëmijët dhe nevojat e personave të cilët qëndrojnë në Qendrën për Azil dhe Migracion në Republikën e Kosovës. Ky aktivitet i prokurimit është në harmoni të plotë me Ligjin për Prokurim Publik dhe aktet tjera nënligjore të zbatueshme mbi prokurimin publik në Kosovë”, ka thënë MPB.

commentFirst article
Sot mund të lexoni Shfletoni kopertinat