Këshilltari i kryeministrit Avdullah Hoti, Visar Berisha, ka reaguar pas aksionit të Policisë së Kosovës në fshatin Karaçevë të komunës së Kamenicës.
Në një postim në profilin e tij në Facebook, ai i është përgjigjur gjithë atyre që e kanë konsideruar si të butë ekzekutivin aktual.
“Qeverisje e butë?! Allahile...”, shkruan këshilltari i kryeministrit Avdullah Hoti, Visar Berisha, përcjell “Bota sot”.
Kujtojmë se mbrëmë Policia e Kosovës, Inspektorati Policor i Kosovës dhe agjencitë tjera bashkëpunuese kanë ekzekutuar urdhërkontrolle në fshatin Karaçevë, komuna e Kamenicës.
Thuhet se operacioni ka filluar si rezultat i një hetimi gati njëvjeçar të udhëhequr nga Prokuroria Themelore në Gjilan, lidhur me pretendimet për veprimtari të paligjshme, përfshirë bixhozin e paligjshëm, trafikimin me njerëz, trafikimin me armë, trafikimin me narkotikë, kontrabandimin e mallrave dhe aktivitete tjera kriminale.
