Veliu: Ministria ka filluar zbatimin e Ligjit për Zyrtarët Publikë

Aktuale

Veliu: Ministria ka filluar zbatimin e Ligjit për Zyrtarët Publikë

Nga: A.Morina Më: 21 shtator 2020 Në ora: 13:27
Foto gjatë takimit

Ministri i Punëve të Brendshme dhe Administratës Publike, Agim Veliu ka njoftuar se ka mbajtur takim me menaxherët e burimeve njerëzore dhe të institucioneve të administratës publik.

Veliu ka bërë të ditur se tani kanë filluar përgatitjet nga MBP-ja për fillimin e zbatimit të Ligjit për Zyrtarët Publikë dhe realizimin e procedurave teknike përmes Sistemit të Menaxhimit të Burimeve Njerëzore- SIMBNJ.

“Krahas këtyre zhvillimeve si ligjore dhe teknike, i njoftova të pranishmit se procedurat e brendshme, si lëvizje paralele dhe ngritje në detyrë mund të fillojnë të realizohen, ashtu siç parasheh ligji”, shtoi Veliu, përcjell “Bota sot”.

Postimi i plotë

Në takimin me menaxherët e burimeve njerëzore të institucioneve të administratës publike, diskutuam për përgatitjet që ka bërë MPB-ja për fillimin e zbatimit të Ligjit për Zyrtarët Publikë dhe realizimin e procedurave teknike përmes Sistemit të Menaxhimit të Burimeve Njerëzore- SIMBNJ.

Nga 29 aktet nënligjore qe kërkohet të përgatiten për zbatim të Ligjit për Zyrtarët Publikë, MPB-ja deri më tani ka përgatitur 3 akte nënligjore që janë nënshkruara nga ministri i MPB-së dhe 7 të tjera të miratuara nga Qeveria.

Ligji për zyrtarët publikë përpos fushëveprimit, mënyrës së zhvillimit të procedurave konkurruese dhe përzgjedhëse, obligon që të gjitha procedurat e menaxhimit të zhvillohen përmes sistemit elektronik. MPB-ja për këtë qëllim ka përshtatur sistemin, sipas kërkesave të reja ligjore.

Andaj, krahas këtyre zhvillimeve si ligjore dhe teknike, i njoftova të pranishmit se procedurat e brendshme, si lëvizje paralele dhe ngritje në detyrë mund të fillojnë të realizohen, ashtu siç parasheh ligji.

Duke ditur se proceset në menaxhimin e burimeve njerëzore, sidomos ato të pranimit në shërbimin civil ndryshojnë dukshëm nga ato që ishin deri më tani, MPB-ja, posaçërisht departamenti përkatës është duke punuar që deri në përmbylljen e këtyre procedurave të brendshme rekrutuese të përgatitet edhe për zhvillimin e procedurave të jashtme.

commentFirst article
Sot mund të lexoni Shfletoni kopertinat