Ahmeti pas rritjes së rasteve me COVID-19: Nuk ka nevojë për mbyllje e restriksone shtesë, duhet të identifikohen vatrat

Aktuale

Ahmeti pas rritjes së rasteve me COVID-19: Nuk ka nevojë për mbyllje e restriksone shtesë, duhet të identifikohen vatrat

Më: 26 tetor 2020 Në ora: 11:33
shpend Ahmeti

Kryetari i Komunës së Prishtinës, Shpend Ahmeti ka reaguar pas rritjes së rasteve me COVID-19 në Kosovë.

Ahmeti ka thënë se shtetet fqinje po ballafaqohen me numra alarmant të virusit.

“Vetëm dje Maqedonia ka pasur mbi 600 raste të reja dhe 22 viktima. Shumë shtete Evropiane po ballafaqohen me mbyllje të reja për shkak të numrave alarmant. Kosova duhet të jetë në dilemë në mungesë të hulumtimeve. Para një muaji kemi pas një krizë të madhe dhe numra të lartë në krahasim me fqinjët”, ka shkruar ai në Facebook.

Më tej, ai ka shkruar se “zakonisht kemi qenë 2-3 javë me vonesë në krahasim me shtetet tjera”.

“Kësaj radhe disa po shpresojnë se krizën që tani tjerët po e kalojnë e kemi kaluar para një muaji. Duke marr parasysh rrezikun dhe lidhshmërinë me shtetet fqinje, duhet të anojmë në anën e kujdesit. Posaçërisht pas rritjes së numrave tek ne në mbi 130 në ditë”, pohon ai.

Ahmeti ka thënë se ekziston rreziku që virusi të bartet tani nga shtetet fqinje.

“Disa mund të jenë pasojë e hapjes së shkollave, por tani ekziston edhe rreziku i bartjes së virusit edhe më shumë nga shtetet fqinje. Udhëtimi pa viza mund të jetë edhe një prej arsyeve pse shtetet fqinje kanë më shumë infeksione tani”.

Kreu i Prishtinës apelon për kujdes, teksa thotë se nuk ka nevojë për mbylle e restriksione shtesë nga Qeveria.

“Keni kujdes këto ditë! tashmë i dini masat e mbrojtjes. Shkollat po mbyllen në momentin kur më shumë se 5 përqind e stafit janë të infektuar me virus. Kjo po mban numrat në nivel të menaxhueshëm. Nuk kemi nevojë për mbyllje e restriksione shtesë nga qeveria. Kemi nevojë që vatrat të identifikohen dhe të trajtohen”, thekson ai.

Ahmeti ka shtuar më tej se “Prishtina ka disproporcionalisht më shumë testime prandaj edhe komunat tjera nuk bën të relaksohen sepse si përqindje e testimeve, jemi të gjithë në një nivel”.

Ndryshe, në 24-orët e fundit janë konfirmuar 184 raste të reja me COVID-19, ndërsa 72 vetëm në Prishtinë.

Shfaq komentet
comments powered by Disqus
Sot mund të lexoni Shfletoni kopertinat