Deputeti i vetëm që viziton krejt lagjet e veriut në këmbë

Aktuale

Deputeti i vetëm që viziton krejt lagjet e veriut në këmbë

Më: 31 tetor 2020 Në ora: 17:12
Mefail Bajqinovci, ka vizituar sot veriun e Mitrovicës

Deputeti nga Lëvizja Vetëvendosje, Mefail Bajqinovci, ka vizituar sot veriun e Mitrovicës për t’i takuar banorët shqiptarë, duke filluar me lagjen e Boshnjakëve, ndërtesat tek shkolla e mesme teknike, Kodrën e Minatorëve dhe Tre Rrokaqiejt.

Sipas tij, Serbia po ia arrin ngadalë ta ndryshojë strukturën demografike në këtë pjesë të Kosovës.

“Në të gjitha lagjet bashkëbiseduam me banorët shqiptarë të cilët përkundër diskriminimit dhe dhunës sistematike nga serbët dhe mosmbështetja e shtetit të Kosovës, kanë qëndruar stoikisht në shtëpitë e tyre”, ka shkruar Bajqinovci në llogarinë e tij në Facebook.

“Sot në Mitrovicën e Veriut janë me qindra shtëpi të rrënuara, djegura dhe banesa të uzurpuara të shqiptarëve të cilëve nuk ju lejohet kthimi si dhe rindërtimi i tyre,shteti i Kosovës pothuajse i ka harruar duke investuar në rindërtimin e tyre”.

“Para lufte, kjo pjesë e qytetit i kishte mbi 60% shqiptarë, ndërsa sot janë rreth 12%”.

“Serbia po ia arrin ngadalë ta ndryshojë strukturën demografike në këtë pjesë të Kosovës”.

Shfaq komentet
comments powered by Disqus
Sot mund të lexoni Shfletoni kopertinat