Shtetet e Bashkuara të Amerikës nëpërmjet Komandës ushtarake për Evropë i kanë dhuruar sot Spitalit të Përgjithshëm “Isa Grezda” në Gjakovë një Skaner- tomografie kompjuterike (CT).
Në ceremoninë e pranim –dorëzimit e këtij donacioni të kësaj pajisjeje mori pjesë edhe ministri i Shëndetësisë Armend Zemaj, bashkë me kolonelin Stephen A. Rose dhe majorin Tomothy Halbur.
SHBA përmes misioneve të saja civile dhe ushtarake e ka ndihmuar Kosovën.
Pra, ky shtet ka ndihmuar gjatë pandemisë me respiratorë, pajisje termo-skanerë, pajisje mbrojtëse profesionale për personelin shëndetësor, po edhe me ndihma të tjera.
