Është dorëzuar në polici personi i dyshuar për sulmin fizik ndaj gazetarit Valon Syla.
Këtë e ka konfirmuar zëdhënësi i policisë për rajonin e Prishtinës, Bajram Krasniqi.
Ai ka thënë se me prokurorin do të vazhdohet trajtimi i mëtutjeshëm i rastit.
“Lidhur me interesimin tuaj, u njoftojmë se në polici është lajmëruar një person i dyshuar. Policia është duke u marrë me kompletim e rastit. Në koordinim me prokurorin kompetent do të vazhdohet trajtimi i rastit”, ka thënë Krasniqi
Valon Syla, gazetar e analist është sulmuar sot në pikë të ditës në lagjen Pejton të Prishtinës.
Mediat gjatë ditës së sotme kanë publikuar imazhet e sulmit ndaj tij.
Në lidhje me sulmin skandaloz dhe të paprecedent ndërkaq ka pasur reagime të shumta gjatë ditës.
