Uka: Mërgata po shkon drejt 100 mijë votave për referendumin e 14 shkurtit

Aktuale

Uka: Mërgata po shkon drejt 100 mijë votave për referendumin e 14 shkurtit

Nga: A.SH Më: 19 janar 2021 Në ora: 14:33
Vetëvendosje

Kandidati për deputet në LVV, Fitim Uka ka treguar pse po mobilizohet mërgata për zgjedhjet e 14 shkurtit.

Sipas tij, mërgata është e parehatshme kur dëgjojnë lajmet për Kosovën, kur mërgimtarët vizitojnë vendlindjen, kur shohin vendin ku kanë jetuar dikur e ku jetojnë familjarët e tyre sot, kur sodisin padrejtësinë, korrupsionin, kapjen e shtetit, shëndetësinë e sëmurë e arsimin me cilësi të dobët.

Andaj mërgata po shkon shkon drejt 100 mijë votave për Referendumin e 14 shkurtit, ka shkruar Uka.

Postimi në Facebook:

Pse gjithë ky mobilizim i mërgatës për të votuar me 14 shkurt?

Sepse, çdo telefonatë që bëjnë në Kosovë ka tone pesimiste.

Pushimet e tyre kthehen shpesh në një ankth e stres të papërballueshëm.

Edhe rehatia e jetës në një vend evropian bëhet e parehatshme kur ata dëgjojnë lajmet për Kosovën, kur mërgimtarët vizitojnë vendlindjen, kur shohin vendin ku kanë jetuar dikur e ku jetojnë familjarët e tyre sot, kur sodisin padrejtësinë, korrupsionin, kapjen e shtetit, shëndetësinë e sëmurë e arsimin me cilësi të dobët.

Dhe, mbi të gjitha, mërgimtarët do të votojnë me 14 shkurt, sepse shumë prej tyre do të kthehen një ditë në vendlinje dhe me votën e tyre për Lëvizjen Vetëvendosje ata zgjedhin Kosovën që duan.

Mërgata po shkon drejt 100 mijë votave për Referendumin e 14 shkurtit!

Shfaq komentet
comments powered by Disqus
Sot mund të lexoni Shfletoni kopertinat