Reagon familja e Haki Imerit: Ja kush e organizoi sjelljen e sotme në Skenderaj ndaj Albin Kurtit

Aktuale

Reagon familja e Haki Imerit: Ja kush e organizoi sjelljen e sotme në Skenderaj ndaj Albin Kurtit

Nga: P.R Më: 1 shkurt 2021 Në ora: 21:19
Haki Imeri dhe Albin Kurti

Kryetari i lëvizjes Vetëvendosje Albin Kurti ka mbajtur tubim elektoral në Skenderaj. Por atje, kandidatit Kurti i është dashur mbrojtja nga Njësia Speciale e Kosovës.

Qytetarë të shumtë kanë brohoritur Thaçi, Thaçi dhe UÇK, madje Kurti është sulmuar edhe me vezë.

E kjo sjellje ndaj Kurtit në Drenicë, ka nxitur reagimin e familjes së Haki Imerit, veprimtarit të vrarë të LDK-së.

“Presidentit Ibrahim Rugova ia patën ndaluar ta vizitoj Drenicën një skenar i ngjashëm i urrejtjes , shpifjes është orkestruar edhe ndaj Albin Kurtit, kjo u vërtetua sot gjatë kohës sa ai ishte në Skenderaj.. Ky veprim i sotit më së shumti e dëmton Drenicën”, shkruan familja Imeri.

“Kjo logjikë e linqimit nuk i bën mirë Skenderajt, do ta dëmtojë më së shumti Hashim Thaçin në Hagë. Sjellja e sotshme e organizuar nga X Y është një argument shtesë i rëndësishëm për Prokurorin Special, pse Hashim Thaçi nuk do të lirohet të mbrohet në liri”, përfundojnë reagimin e tyre, familja e Haki Imerit.

Shfaq komentet
comments powered by Disqus
Sot mund të lexoni Shfletoni kopertinat