Arianit Koci “shpërthen” me akuza ndaj politikanëve, ja si i quan

Aktuale

Arianit Koci “shpërthen” me akuza ndaj politikanëve, ja si i quan

Nga: A.Zh Më: 28 shkurt 2021 Në ora: 14:17
Arianit Koci

Avokati Arianit Koci, ka thënë se Kosova është i vetmi vend në rajon, që nuk ka siguruar asnjë vaksinë kundër Koronavirusit.

Ai në një postim në Facebook, ka thënë se Kosova është i vetmi vend në rajon që nuk ka liberalizim vizasg, që nuk ka sigurim social, me pensionet më të vogla dhe vend, i cili qe 3 muaj nuk ka tabela për automjete.

Për të gjitha këto, avokati ka akuzuar politikanët, të cilët i ka quajtur të “paaftë”, përcjell Bota sot.

“Politikanët tanë analfabetë dhe primitivë, na kanë humbur vetëbesimin nacional”, ka shkruar ai.

Postimi i tij i plotë:

Na keni humbur vetëbesimin nacional

1.”U vaksinova në Serbi”- po më thotë një shok i lindur në Preshevë, e i rritur në Prishtinë.

“Nuk pata qare. Shumë po tutna. Më ka vdek një i afërm prej Covidi” - dhe po vazhdon - “Kishte edhe një numër i shqiptarëve të Kosovës që po vaksinohen në Serbi. Po i gjejnë mënyrat”.

2.

Jemi të vetmit në regjion që nuk e kemi siguruar asnjë dozë të vaksinës kundër Covid 19.

Kjo çështje nuk ka të bëjë me korrupsion.

Thjeshtë, politikanët i kemi të paaftë.

Katastrofë!

3.

Kur padituria e politikanëve tanë kombinohet edhe me korrupsion na del rezultati si në vijim:

- Jemi të vetmit në regjion që nuk e kemi liberalizimin e vizave:

- Jemi të vetmit në regjion dhe më gjerë që nuk kemi sigurim social;

- I kemi pensionet më të vogla në Evropë;

- Arsimin e kemi katastrofal;

- Me pas mundësi, shumica e popullatës ikë prej Kosovës;

Shteti thuaja nuk funksionon!

4.

Si rast eklatant i mosfunksionimit të shtetit e kemi rastin e tabelave për automjete. A ka ndonjë shtet në Evropë që i ka ndodhë mos me pas tabela për 3 muaj?

A ka ndonjë shtet në Evropë ku në spital duhet blerë madje edhe shiringat dhe fashat?

5.

Kam pasur kritika të mëdhaja në punën e Eulex-it, sa ka pasur fuqi ekzekutive.

Tani po e shoh që e kam pasur gabim.

Sistemi i ynë i drejtësisë po vuan për EULEX-in.

6.

Politikanët tanë analfabetë dhe primitivë, na kanë humbur vetëbesimin nacional.

Kemi filluar të besojmë, që nuk jemi të aftë për asgjë.

Shfaq komentet
comments powered by Disqus
Sot mund të lexoni Shfletoni kopertinat