Numërohen mbi 8 mijë vota me kusht, gati gjysmën i merr LVV

Aktuale

Numërohen mbi 8 mijë vota me kusht, gati gjysmën i merr LVV

Më: 1 mars 2021 Në ora: 12:17
Ilustrim

Në Qendrën e Numërimit dhe të Rezultateve është duke vijuar numërimi i votave me kusht dhe personave me aftësi të kufizuara.

Deri në ora 12:00 janë numëruar 8135 vota nga 31 mijë e 500 vota me kusht dhe rreth 2 mijë e 800 vota të personave me nevoja të veçanta në total.

Prej votave të numëruara, 3775 prej tyre i takojnë Lëvizjes Vetëvendosje, ndërsa 1526 Partisë Demokratike të Kosovës.

Aleanca për Ardhmërinë e Kosovës ka marrë 853 vota, ndërsa Lidhja Demokratike e Kosovës 865 vota.

Pjesa tjetër e votave është shpërndarë në subjektet e tjera politike.

Në lidhje me procesin e numërimit të votave me kusht dhe personave me nevoja të veçanta, më vonë gjatë ditës pritet edhe një konferencë nga zëdhënësi i KQZ-së, Valmir Elezi.

Shfaq komentet
comments powered by Disqus
Sot mund të lexoni Shfletoni kopertinat