Nuk ndikuan as zgjedhjet/ Afro 50% më pak udhëtarë në aeroportin “Adem Jashari” në muajin shkurt

Aktuale

Nuk ndikuan as zgjedhjet/ Afro 50% më pak udhëtarë në aeroportin “Adem Jashari” në muajin shkurt

Më: 7 mars 2021 Në ora: 22:26
Aeroportin Ndërkombëtar të Prishtinës “Adem Jashari”.

Këtë vit në muajt janar dhe shkurt pati më pak udhëtarë se sa në vitin e kaluar, në Aeroportin Ndërkombëtar të Prishtinës “Adem Jashari”.

Kështu thuhet në një përgjigje për media nga Aeroporti i Prishtinës.

Brenda kësaj periudhe kohore, në muajin janar të këtij viti kishte 134,091 udhëtarë, ndërsa në vitin e kaluar kishte 183,130. Pra 26% më pak këtë vit.

Edhe pse në muajin shkurt ishin zgjedhjet parlamentare në Kosovë dhe kishte mërgimtarë të shumtë që erdhën për të votuar, shifrat tregojnë që numri i udhëtarëve është gati 50% më i vogël.

Nga të dhënat e siguruara nga mediat, shihet se muajin shkurt të këtij viti pati 96,318 udhëtarë, apo 42% më pak se në vitin e kaluar që kishte 167,035 udhëtarë.

Për uljen e madhe të numrit të udhëtarëve ka ndikuar pandemia Covid-19, ku në gjithë botën u vendosën masa kufizuese.

Shfaq komentet
comments powered by Disqus
Sot mund të lexoni Shfletoni kopertinat