Gjykata Supreme e ka refuzuar si të pabazuar ankesën e Adriana Hoxhiq e paraqitur kundër vendimit plotësues të Panelit Zgjedhor për Ankesa dhe Parashtresa.
Adrijana Hoxhiq, udhëheqësja e subjektit politik boshnjak “Komuniteti i Bashkuar”, i është drejtuar Gjykatës Supreme për të kundërshtuar një vendim të Panelit Zgjedhor për Ankesa dhe Parashtresa që ia anuloi mbi 4.200 vota, që i kishte siguruar në komunat e banuara me shumicë serbe.
Në njoftimin për media thuhet se me aktgjykimin AA.nr.29/2021 është vendosur që kjo ankesë të refuzohet si e pabazuar.
Lexo edhe: Sondazh online: Kush duhet të bëhet kryetar i LDK-së?
Kësisoj Adrijana Hoxhiq do të mbetet jashtë Kuvendit të Kosovës.
Në vend të Adrijana Hoxhiq, ulësen do ta fitojë Socialdemokratska Unija, me kandidaten Duda Balje, si më e votuara në radhët e këtij subjekti.
