Kreu i Aleancës Kosova e Re Behgjet Pacolli, ka ngushëlluar shtetin e Tanzanisë, për vdekjen e presidentit John Magufuli.
Ngushëllimi i Pacollit, është publikuar në mesin e ngushëllimeve të liderëve botërorë sonte në televizionin shtetëror, përcjell Bota sot.
Në një postim në Facebook, këshilltari i të parit të AKR-së, Naim Murseli, ka thënë se thënë se Pacolli ishte udhëheqësi i vetëm nga Kosova që ka ngushëlluar popullin e Tanzanisë.
Reagimi i Murselit në Facebook:
Sonte në Televizionin shtetëror të Tanzanisë është publikuar në mesin e liderëve të botës edhe ngushëllimi i Ish Presidentit të Kosovës z. Behgjet Pacolli për vdekjen e Presidentit John Magufuli.
Zoti Pacolli ishte udhëheqësi i vetëm nga Republika e Kosovës që i dërgoi ngushëllimet e tij popullit Tanzanisë.
Tanzania kishte njohur pavarësinë e Kosovës në Maj të vitit 2013.
