​Sot dorëzohet ankesa në Kushtetuese për votat e “Romani Iniciativa”

Aktuale

​Sot dorëzohet ankesa në Kushtetuese për votat e “Romani Iniciativa”

Më: 13 prill 2021 Në ora: 07:13
Gjykata Kushtetuese

Kryetari i Partisë Liberale Egjiptiane, Veton Berisha ka njoftuar se sot do të dorëzojmë ankesë në Gjykatën Kushtetuese dhe do të vazhdojnë të kërkojmë realizimin e plotë të të drejtës së tyre, siç ka thënë ai të mohuar nga PZAP-ja dhe Gjykata Supreme në lidhje orkestrimin e votave nga ana e “Romani Iniciativa” në vendbanime me shumicë të komunitetit serb në zgjedhjet e parakohshme të 14 Shkurtit.

Berisha ka njoftuar se përmes Gjykatës Kushtetuese synojnë rikthimin e mandatit në Kuvendin e Kosovës të humbur padrejtësisht për komunitetin egjiptian.

Kjo e drejtë legjitime e përcaktuar nga vota e komunitetit egjiptian dhe ligjeve në fuqi.

“Po ashtu ankesën tonë në të njëjtën ditë rreth orës 13:30h do e deponojmë në zyrën e Avokatit të Popullit ku bazuar edhe në mandatin e tij do të kërkojmë identifikimin veprimeve diskriminuese dhe shkeljet e të drejtave të njeriut gjatë dhe pas procesit zgjedhor të zgjedhjeve të 14 shkurtit”, ka njoftuar Berisha.

Shfaq komentet
comments powered by Disqus
Sot mund të lexoni Shfletoni kopertinat