Vjosa Osmani: Majlinda Kelmendi, me ty jemi të gjithë, e arta jonë

Aktuale

Vjosa Osmani: Majlinda Kelmendi, me ty jemi të gjithë, e arta jonë

Nga: A.M. Më: 25 korrik 2021 Në ora: 07:59
Vjosa Osmani

Presidentja e Kosovës, Vjosa Osmani, ka thënë se xhudistja Majlinda Kelmendi mbetet kampione olimpike e përhershme.

Po ashtu, Osmani në postimin e saj në Facebook, ka shkruar se Majlinda i solli Kosovës respekt më shumë se çdokush tjetër.

“Sepse ajo çfarë ke bërë ti për Kosovën tejkalon çdo medalje. Pavarësisht rezultatit të sotëm, ti tashmë ke realizuar ëndrrën e një populli të tërë”, ka shkruar Osmani në Facebook.

Postimi i plotë:

Majlinda për ne mbetet kampione olimpike e përhershme. Është ajo që i dha Kosovës shkëlqimin e saj të parë, ajo që e ndriçoi emrin e Kosovës para krejt botës, ajo që ngriti flamurin tonë atje ku nuk arrinte askush tjetër dhe bëri që të dëgjohej e nderohej himni ynë në vende që nuk na njohin.

Majlinda i solli Kosovës respekt më shumë se çdokush tjetër. Ajo i dha motiv çdo fëmije, çdo të riu, e mbi të gjitha çdo vajze, për të luftuar për ëndrrat e veta e për t’u ringritur gjithnjë pavarësisht sfidave.

Faleminderit kampione, për këto e shumëçka tjetër. Sepse ajo çfarë ke bërë ti për Kosovën tejkalon çdo medalje. Pavarësisht rezultatit të sotëm, ti tashmë ke realizuar ëndrrën e një populli të tërë.

Por jo vetëm falënderim Majlindë. Me ty jemi të gjithë, e arta jonë.

Majlinda është Kosova! 🇽🇰

Image
Shfaq komentet
comments powered by Disqus
Sot mund të lexoni Shfletoni kopertinat