Shefi i grupit parlamentar të Partisë Demokratike të Kosovës (PDK), Abelard Tahiri, ka kritikuar Qeverinë e Kosovës se ka filluar implementimin e “Zajedincës” me kompetenca ekzekutive me marrëveshjen në Bruksel për targat e automjeteve.
Tahiri në seancën plenare, në deklarimet jashtë rendit të ditës, paralajmëroi se do të përdorin edhe mjete jo demokratike për të kundërshtuar Qeverinë Kurti.
Tahiri: Ky është hapi i parë që keni fillu me implementu “Zajedincën” me kompetenca ekzekutive.
“Qeveria jonë përfundoi në një marrëveshje jashtëzakonisht të dëmshme në Bruksel. Marrëveshja kjo e parë e Qeverisë Kurti e arritur me Serbinë, e cila i legalizoj targat KM, PR, PZ e të tjera që i lëshon Qeveria e Serbisë për qytetarët e Kosovës. Iu kujtohet para dy jave shoku kryeministër me ato tabelat që nuk i zgjatën më shumë se dy javë. Ku përfunduan sot. Sot jemi me këto targa, pra këto targa lëshohen nga Qeveria e Kosovës për Kosovën, tashmë legale, tashmë Qeveria e Kosovës ka pranuar që këto targa të lëshohen për Kosovën. Unë si qytetarë i Kosovës kur vendosi ta regjistroj veturën i paguaj tatim institucioneve. Tash kujt i paguajnë tatim këta persona që marrin këto targa. I paguajnë Qeverisë së Serbisë, ky është hapi i parë që keni fillu me implementu ‘Zajedincën’ me kompetenca ekzekutive. Ky është dëmi më i madh që i keni bërë Kosovës. Për dy dekada nuk ka pasur marrëveshje më të dëmshme se kjo që e kemi”, tha ai.
Marrëveshjen me Serbinë për targat e automjeteve, Tahiri e quajti edhe cenim të sovranitetit të Kosovës.
Tahiri: Shpresoj që mjetet demokratike të na mjaftojnë neve si opozitë me iu ndal, por po tutem se jo:
“Nuk ka pas marrëveshje që e ka dëmtuar më shumë subjektivitetin tonë ndërkombëtar, kjo marrëveshje e cenon sovranitetin tonë shtetërorë, kjo tashmë e ka shti Serbinë brenda[...]Siç po e shohim shpresoj që mjetet demokratike të na mjaftojnë neve si opozitë me iu ndal, por po tutem që jo”, shtoi ai.
Këtu u përfshi edhe kryetari i Kuvendit të Kosovës, Glauk Konjufca.
Konjufca: Edhe nëse bëni protesta ato do të jenë demokratike, apo jo
“Edhe nëse bëni protesta ato do të jenë demokratike, apo jo”, tha ai.