Në qendrën më të madhe të votimit “Isa Boletini” në Podujevë, është shtuar fluksi i votuesve.
Ani se nuk është shënuar asnjë parregullsi në këtë qendër, prezent janë edhe policë nga Njësia Speciale.
Menaxheri i kësaj qendre, Fehmi Zeqiri ka thënë se 35 përqind deri në orën 17:00 kanë dalë me ushtruar të drejtën e tyre të votës në Shkollën e Mesme Ekonomike.
Zeqiri ka thënë se nga afër 13 mijë votues sa kanë të drejtë vote në këtë shkollë, kanë votuar 4 mijë e 521.
Ai tha se deri në këto momente nuk është shënuar asnjë parregullsi.
