Ish- i burgosuri politik, Selatin Novosella ka rrëfyer për përndjekjen e egër të regjimit jugosllav, ku tregoi për torturat në burgjet serbe.
Novosella në T7 tregoi se si Jusuf Karakushi, të cilin e quante kriminel, i kishte thënë se e meriton që ta vrasë me një plumb.
“Ma thotë njëherë Jusuf Karakushi pa dyshim një kriminel i llojit të vetë. Në një natë, dikun rreth orës 11 të mbrëmjes, ka qenë shumë i bukur, shumë elegant, dhe i veshun shumë bukur dhe po i thotë njëri, kur i bleve këto tesha. Na torturonin natën, e shisha që i nënshkruajshën orët e natës si honorar. Kish ble tesha të bukra, të kaltërta, kravat të kuqe, vetë i bukur. Ishte një prej shefave. Nxori alltin ma mbështeti në tëmth, tha ti meriton së pari me ta dhon një kaci, dhe një kazmë me qel një gropë 1 metër me dy, me këtë allti, me të vra me një plumb, mos me u merr me ty”.
Tutje, ai thotë se në ato momente, vdekja do të ishte shpërblim për të.
:Për mua në atë moment, po të më vriste do të ishte shpërblim, se jeta ka kuptim vetëm kur je i dinjitetshëm, kur e ki unin tënd”, tha ai.