Deputeti i Kuvendit të Kosovës nga radhët e LVV-së, Enver Dugolli, më 28 shtator të këtij viti, në “Debat Plus”, kishte deklaruar se policëve të Kosovës, do t’u paguhen shtesat e rrezikshmërisë nga dy tetori.
Tash është data 19 shtator dhe shtesat ende nuk janë proceduar për policët.
Dugolli tha se kur e ka dhënë atë deklaratë informatat që i ka pasur nga Qeveria kanë qenë asisoj.
“Nuk është mirë të lëshohemi në fyerje, për shkak se Enver Dugolli, prej që ka qenë atje, është duke u interesua e angazhua që policia t’i merr shtesat e parapara me ligj. I kam pasur informatat se është përmbyll puna në dy grupe punuese, këto i kam thënë. Me dëshirë shumë më herët do isha i lumtur të përmbyllet kjo punë, unë besoj që kjo punë do të përmbyllet, se kuptoj nxitimin ne thonj në fyt. Nuk është momenti tani për këto”, tha ai në “Debat Plus”.
Mushkolaj e kritikoi ashpër Dugollin dhe kolegët e tij deputetë, duke i thënë se marrin nga 2 mijë euro pagë dhe nuk e kryejnë punën si duhet, kurse policët që rrezikohen çdo ditë i kanë lënë me vetëm 500 euro.
“Ju keni motiv, merrni paga marramendëse dhe nuk e kryeni punën tuaj në kuvend, çka me ju thënë juve. Qysh me u motivu polici me 500 euro t’u e kry punën e vet në rrezik e ju me 2000 euro po ju hupë motivi nuk po shkoni në seanca”, tha ai.
