Opinionisti dhe analisti politik, Faik Krasniqi ka treguar se çka do të përfitonte Kosova në rast shkëmbimi të territorit me Serbinë.
Ai thotë se, Serbia pa e nxjerr maksimumin pas dialogut nuk e jep aq lehtë Preshevën, Bujanocin dhe Medvegjën.
Sipas tij, Serbia do ta merr veriun e Kosovës deri tëk lumi Ibër, Trepçën dhe liqenin e Ujmanit, kurse Kosovës do të ia jep vetëm Preshevën me fshatrat e saj, jo edhe Bujanocin dhe Medvegjën.
Ja shkrimi i plotë i Faik Krasniqit:
Hashim Thaçi paska thënë. Po bashkëngjitjes së Preshevës, Bujanocit dhe Medvegjës, si tërësi me Kosovën. Po njohjes reciproke Kosovë - Serbi dhe anëtarësimit të Kosovës në OKB dhe organizata ndërkombëtare. Jo ndarje, jo shkëmbim territoresh. Të tjerat fake news.
Duke e njohur Serbinë të kisha besu, por ajo pa e nxjerr maksimumin nuk t'i jep aq lehtë Preshevën, Bujanocin dhe Medvegjën.
Çfarë do të marrë Serbia nga ky shkëmbim? Veriun e Kosovës deri tek Lumi Ibër, ku aty përfshihen Trepça dhe Liqeni i Ujmanit.
Çfarë përfiton ose më mirë të themi çfarë i jep Serbia Kosovës nga ky shkëmbim? Preshevën me fshatrat e saj, por jo edhe Bujanocin e Medvegjën!