Deputeti i Alternativës për Kosovën, Ilir Deda, e ka komentuar deklaratën e kancelares Merkel në Shkup dhe shëtitjet e presidentit serb, Aleksandër Vuçiq në Kosovë.
Ai thotë se marrëzirat në Kosovë, s’kanë fund.
“Në ditën kur midis Ballkanit - në Shkup -Kancelarja Merkel thotë edhe njëherë që nuk ka korrigjim të kufijve në Ballkan, e Vuçiqi - duke shetitë nëpër Kosovën veriore sikur në pronë të vetën - thotë që “nuk guxon” prej Merkelit të thotë që ajo pjesë e Kosovës është Serbi, Thaçi e përsëritë qëndrimin e tij për “korrigjim të kufirit”/ndarje/shkëmbim të territoreve. E këtë marrëzi e përforcojnë dy kryetarë komunash, ai i Mitrovicës Jugore dhe i Gjilanit.
Marrëzia në Kosovë nuk ka fund. Sa mirë që e tilla nuk është vendimtare për të ardhmen e këtij shteti”, shkruan Ilir Deda në Facebook, transmeton gazeta “Bota sot”.
