Kryeminsitri i Kosovës, Ramush Haradinaj, i ka falendëruar të gjithë prostuesit e sotshëm, për kulturën qytetare gjatë protestës.
Ai i përshëndet shqetësimet e një numri të madh të qytetarëve për çështjet, siç thotë ai që jaën jetike për të ardhmen e vendit, shkruan gazeta “Bota sot”.
“Unë këto ditë në Amerikë kam përçuar porosinë e popullit të Kosovës se kufijtë e Kosovës janë ata të 17 shkurtit të vitit 2008 dhe se e ardhmja e Kosovës nuk do të ndërtohet duke cenuar sovranitetin e saj me kompromise territoriale”, shkruan Haradinaj në facebook.
Ai tutje thekson se, Kosova është në rrugën e drejtë të kompletimit të kapaciteteve kushtetuese dhe transformimit të FSK-së në ushtri me përkrahjen e aleatëe.
Lexojeni shkrimin e plotë:
I falënderoj protestuesit për kulturën qytetare të treguar gjatë protestës së sotme. Përshëndes shprehjen e shqetësimit të një numri kaq të respektueshëm të qytetarëve të Kosovës për çështje që janë jetike për të ardhmen e vendit.
Unë këto ditë në Amerikë kam përçuar porosinë e popullit të Kosovës se kufijtë e Kosovës janë ata të 17 shkurtit të vitit 2008 dhe se e ardhmja e Kosovës nuk do të ndërtohet duke cenuar sovranitetin e saj me kompromise territoriale.
Shteti i Kosovës është në rrugën e drejtë të kompletimit të kapaciteteve të saja kushtetuese, veçanërisht të transformimit të FSK-së në ushtri, dhe për këtë kemi përkrahjen e aleatëve strategjikë të Kosovës.
RH