Presidenti i Kosovës ka thënë se Nora, Distria dhe sportistët tanë janë krenaria e Kosovës dhe gjithashtu ka uruar ato për sukseset e tyre.
Thaçi në një postim në Facebook ka thënë se ato gjithmonë po dominojnë me talentin, përgatitjen dhe shkathtësitë e tyre.
Postimi i plotë:
Xhudistet tona, në çdo garë ndërkombëtare, gjithmonë po dominojnë me talentin, përgatitjen dhe shkathtësitë e tyre. Edhe në Grand Slamin e xhudos në Abu Dhabi të Emirateve të Bashkuara Arabe, Majlinda, Nora dhe Distria shkëlqyen duke i siguruar Kosovës sërish medalje dhe tituj ndërkombëtarë. Me fitoret e njëpasnjëshme, ato vazhdimisht po e promovojnë Kosovën në çdo cep të botës. Majlinda, Nora, Distria dhe sportistët tanë janë krenaria e Kosovës! HTH
