Haradinaj-Hahnit: Kemi shpresuar se vjen me lajm të mirë për vizat - Bota Sot
Haradinaj-Hahnit: Kemi shpresuar se vjen me lajm të mirë për vizat

Aktuale

Haradinaj-Hahnit: Kemi shpresuar se vjen me lajm të mirë për vizat

Më: 3 dhjetor 2018 Në ora: 16:24
Ramush Haradinaj

(E plotësuar) - Kryeministri Ramush Haradinaj ia ka bërë me dije komisionarit Evropian për Zgjerimit, Johannes Hahn, se Kosova ka qenë e detyruar të ndërmarrë vendosjen e taksës prej 100 për qind ndaj mallrave serbe, pas pengesave të vazhdueshme që i ka bërë dhe vazhdon t’i bëjë vendit tonë në vazhdimësi, Serbia.

Haradinaj gjatë takimit me Hahn ka theksuar përkushtimin e Qeverisë së Kosovës për rrugën e integrimeve evropiane, për prioritetet në sundimin e rendit dhe të ligjit, përmbushjen e prioriteteve që dalin nga MSA, dhe për zhvillimin ekonomik.

Ai ka vlerësuar se Kosova ka përmbushur të gjitha kriteret e vëna nga Bashkimi Evropian, duke kërkuar heqjen e regjimit të vizave për qytetarët e Kosovës, pasi me këtë do t’i hapej mundësi e mirë qytetarëve dhe bizneseve dhe Kosova do të jetë partner serioz për BE-në.

Haradinaj tha se të gjitha institucionet e Kosovës janë të përkushtuara në zbatimin e reformave dhe të prioriteteve, dhe me këtë po dëshmojnë se integrimi evropian dhe avancimi i proceseve demokratike në vend është prioritet.

Në takim, është biseduar edhe për procesin e dialogut me Serbinë.

***

Ka nisur takimi mes kryeministrit të Kosovës dhe Komisionerit për Zgjerim të BE-së, Johannes Hahn.

Me këtë rast, Haradinaj i ka thënë Hahnit se kanë pritur një lajm të mirë për vizat.

Takimi mes kryeminsitri dhe Hahn është duke u zhvilluar me dyer të mbylluar.

Sic u raportua në këtë takim pritet që të diskutohet për taksën prej 100 për qind që Qeveria e Kosovës ka vendosur për produktet që importohen nga Serbia dhe Bosnja Hercegovina, si dhe për liberalizimin e vizave për qytetarët e Kosovës.

Pas këtij takimi, komisioner Hahn do të takohet edhe me presidentin e Kosovës Hashim Thaçin dhe Kryeparlamentarin Kadri Veselin.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...