Bashkimi Evropian e ka mirëpritur votimin e sotëm në Kuvendin e Kosovës të Rezolutës së PSD-së për dialogun me Serbinë.
Shefja e Zyrës së BE-së në Kosovë, Natalyia Apostolova, ka përgëzuar Kuvendin e Kosovës për këtë vendim të marrë, duke e konsideruar si marrje të përgjegjësive në procesin e dialogut.
Apostolova ka shtuar se Kosova duhet të sigurohet që të ketë një qasje gjithëpërfshirëse në këtë proces.
“E përgëzoj Kuvendin e Kosovës për votimin e sotëm në marrjen e përgjegjësisë për një proces kaq të rëndësishëm si dialogu me Serbinë. Kosova duhet të sigurohet që të ketë një qasje gjithëpërfshirëse në këtë proces”, ka shkruar Apostolova.
Projekt-rezoluta e PSD-së ku e cila ka kaluar me 59 vota pro dhe 2 abstenime.
Në krye të ekipit dialogues të Kosovës do të jetë kryetari i PSD-së, Shpend Ahmeti, bashkë me atë të NISMA-s, Fatmir Limaj.
