Nga dita e martë e deri të premten do të zhvillohet xhiroja e 15-të në Ligën e Parë në basketboll te meshkujt.
Takimi i parë do të jetë ndërmjet RC Cola Dritës dhe Feronikelit. Gjilanasit janë në vendin e parë me 13 fitore dhe vetëm një humbje, derisa Feronikeli ka tri fitore dhe 10 humbje.
Të enjten do të zhvillohet dueli kryesor i kësaj xhiro ndërmjet New Basket dhe AS Prishtinës që do të transmetohet në Kujtesa dhe ArtMotion. Prizrenasit kanë tetë fitore dhe gjashtë humbje, ndërsa prishtinasit 11 fitore dhe dy humbje, duke synuar vendin e parë në renditje.
Istogu, që ka 12 fitore dhe dy humbje do të sfidohet nga Megasports, që ka katër fitore dhe 10 humbje. Të premten do të përballen dy skuadrat prishtinase Marigona Hill Prishtina-Prishtina e Re.
Ndeshja e fundit për këtë xhiro është ndërmjet Lipjanit dhe Vushtrrisë. Skuadra nga Lipjani ka një fitore dhe 13 humbje, ndërsa vushtrriasit gjashtë fitore dhe tetë humbje.
Liga e Parë - Java 15
E martë
19:00 RC Cola Drita - Feronikeli
E enjte
18:30 NEW Basket-AS Prishtina (KUJTESA/ART MOTION)
E premte
17:00 Megasports - Istogu
18:15 Marigona Hill Prishtina - Prishtina e RE
19:30 Lipjani - Vushtrria
