New Basket e ka mundur Vushtrrinë me rezultat 85:71 (21:9, 24:22, 28:15, 12:25), duke u kualifikuar në finale të Kupës së Ligës së Parë.
Prizrenasit e nisën furishëm ndeshjen, duke qenë më të mirë nga fillimi, madje për tetë minuta vushtrriasit i shënuan vetëm pesë pikë, karshi 19 pikëve të prizrenasve, kurse çereku i parë përfundon 21:9.
Skuadra nga Prizreni vazhdoi me lojë të mirë edhe në periodën e dytë, duke e thelluar edhe më shumë epërsinë, që shkoi në 24 pikë, 35:11, ndërsa më pak vushtrriasit u këndellen paksa, kurse pjesa e parë përfundon me shifrat 45:31.
Basketbollistët e New Basket vazhduan me lojë të mirë edhe në periodën e tretë, duke e kontrolluar tërësisht ndeshjen dhe duke thelluar epërsinë, ndërsa rezultati pas 30 minutash ishte 73:46.
Në dhjetë minutat e fundit, prizrenasit menaxhuan epërsinë, duke triumfuar me shifrat 85:71.
New Basket në finale do të përballet me Istogun, takim që zhvillohet nga ora 12:00.
