Basketbollisti Devin Johnson i bashkohet ekipit të Rahovecit. Është përforcim adekuat për ekipin “Vreshtarët”, që ka ambicie të renditet në pjesën e lartë të tabelës.
“Devin Johnson - është lojtar i katërt i huaj që i bashkohet skuadrës sonë.
Johnson është i gjatë 196 cm dhe luan në pozitat 2 dhe 3.
Për Johnson është ky viti i 4-të që paraqitet në Evropë, derisa paraqitjet paraprake i pati në ligat elite të Bjellorusisë, Lituanisë dhe së fundmi asaj çeke.
Më parë Johnson është paraqitur edhe në kolegjin e Universitetit të Torontos ku mesataren e pikëve për ndeshje e kishte 20 pikë”, njofton KB Rahoveci.
