Fitorja e 15-të radhazi në kampionat për Milwaukee, që mposhti 118-104 Brooklyn jashtë fushe dhe konfirmohet si ekipi më i mirë në Konferencën e Lindjes.
Giannis Antetokunmpo realizoi 33 pikë e 15 rebound në rikthimin e tij në fushë, duke i bërë të pavlefshme 31 pikët e Bridges për vendasit.
Pa LeBron James skuadra e Lakers nuk arrin të fitojë, duke u mundur 121-109 nga Memphis. Anthony Davis relizoi 28 pikë e 19 rebound, por që s’mjaftuan. Për Memphis shkëlqeu Ja Morant, autor i një “triple double”, me 39 pikë, 10 rebound e 10 asist.
Fiton edhe ekipi kampion i Golden State, që falë 29 pikëve të Jordan Poole mundi 123-105 Portland.
Humbja e dytë radhazi për Dallas, që u mund 124-122 nga Indiana, ndeshje vendosur në fund nga Haliburton, autor i 32 pikëve për miqtë. Për Dallas u dallua Luka Doncic me 39 pikë, por që mbetën për statistikë.
Në krye të renditjes në Perëndim qëndron skuadra e Denver, që sot mposhti 133-112 Houston, ndeshje ku Jamal Murray realizoi 32 pikë për Nuggets.
NBA – Rezultatet e sotme
Atlanta – Washington, 116-119
Brooklyn – Milwaukee, 104-118
Memphis – Lakers, 121-109
Toronto – Chicago, 104-98
Houston – Denver, 112-133
Oklahoma – Sacramento, 117-123
Dallas – Indiana, 122-124
Utah Jazz – San Antonio, 94-102
Golden State – Portland, 123-105
Clippers – Minnesota, 101-108
