Basketbollistët e Pejës kanë shënuar fitoren e shtatë në shtatë përballje të zhvilluara në Prince Caffe Superligë.
Verdhe-zinjtë kanë mposhtur Bashkimin me rezultat 91:83 (16:20, 23:12, 25:22, 27:29).
Më i dalluari te Peja sërish ishte Justin Davis me 28 pikë, 11 kërcime e gjashtë asistime, ndërsa te Bashkimi u dalluan Erik Copes me 16 pikë e 11 kërcime, Isiah Umipig me 29 pikë dhe Grant Lozoya me 24 pikë, shtatë kërcime e pesë asistime.
Peja ka shtatë fitore në shtatë ndeshje, njëherësh skuadra e vetme pa humbje, ndërsa Bashkimi numëron tri fitore e katër humbje.
