Superliga e Femrave vazhdon këtë javë duke u zhvilluar edhe tri ndeshje të tjera në kuadër të xhiros së shtatë.
Krye ndeshja e kësaj jave do të zhvillohet në Pejë mes KBF Peja 03 dhe KBF Penza të premten me fillimin nga ora 19:00.
Në takimin e parë të këtyre skuadrave Peja 03 kishte triumfuar.
Superliga vazhdon të shtunën edhe me dy ndeshje të tjera.
United Basketball është nikoqire e Bashkimit, kurse ndeshja pritet të zhvillohet nga ora 15:15.
Në ballafaqimin e parë në Prizren, Bashkimi pati triumfuar ndaj United Basketball.
Superliga e Femrave mbyllet me ndeshjen e cila do të zhvillohet në kryeqytet mes KBF Prishtinës dhe KBF Trepçës të shtunën nga ora 16:30.
Në ndeshjen e parë mes tyre në këtë edicion Prishtina pati fituar në Mitrovicë.
