Sigal Prishtina rikthehet sonte me ndeshjen e radhës në kuadër të Ligës Ballkanit.
Kryeqytetasit luajnë sonte përballë ekipit qipriot të AEL Limassol.
Në këtë takim, me bilanc më të mirë hyjnë mysafirët që kanë katër fitore e një humbje.
Në krahun tjetër, prishtinasit kanë zhvilluar vetëm tri ndeshje dhe prej tyre kanë dy fitore e një humbje.
Ekipi qipriot edhe para dy ditësh ishte në Kosovë, ku u përballë me ekipin tjetër të vendin tonë atë të Pejës, të cilët i mposhti.
Përballja e sotme mes Sigal Prishtinës e AEL nis nga ora 20:30.
Më pas, Prishtinën e pret ndeshja e radhës në kampionat përballë Vëllaznimit si mysafire.
Pastaj, do të kenë punë në FINAL 8 të Kupës së Kosovës që nis nga 13 shkurti.
