Irani tha të hënën se nuk mund të konfirmojë mbajtjen e bisedimeve sekrete me Francën lidhur me programin e raketave balistike të diskutueshme të Teheranit, siç tha të premten Ministri i Jashtëm francez Jean-Yves Le Drian, shkruan Reuters, raporton Bota Sot.
Le Drian tha se Franca ishte e gatshme të vendoste sanksione të mëtejshme mbi Iranin nëse nuk është bërë përparim në bisedimet mbi programin e raketave balistike.
"Nuk mund ta konfirmoj ... Programi ynë i raketave është një program mbrojtës që diskutojmë vetëm brenda vendit," tha zëdhënësi i ministrisë së jashtme Bahram Qasemi në një konferencë shtypi të përjavshme, transmetuar drejtpërdrejt në televizionin shtetëror.