Pompeo i kërkon BE-së ta dënojë Iranin për "gënjeshtrën" rreth anijes me naftë - Bota Sot
Pompeo i kërkon BE-së ta dënojë Iranin për "gënjeshtrën" rreth anijes me naftë

Bota

Pompeo i kërkon BE-së ta dënojë Iranin për "gënjeshtrën" rreth anijes me naftë

Më: 9 tetor 2019 Në ora: 17:32
Sekretari amerikan i Shtetit, Mike Pompeo

Sekretari amerikan i Shtetit, Mike Pompeo i ka bërë thirrje Bashkimit Evropian që të dënojë Iranin, duke thënë se ka gënjyer rreth vendit se ku do të shkarkohet nafta e anijes transportuese, Adrian Darya.

“Nafta nga AdrianDarya1 është shkarkuar në Siri, duke vërtetuar se Irani ka gënjyer Mbretërinë e Bashkuar dhe Gjibraltarin… vendet e BE-së duhet ta dënojnë këtë akt, të veprojnë sipas ligjit dhe ta mbajnë Iranin përgjegjës”, ka thënë Pompeo përmes një postimi në rrjetin social, Twitter.

Anija transportuese, The Adrian Darya 1, ka qenë në qendër të mosmarrëveshjeve në mes të Teheranit dhe Perëndimit, i cili ka rritur shqetësimet se anija ka synuar të shkelë sanksionet duke shkarkuar rreth 2 milionë fuçi naftë në Siri.

Anija ishte ndaluar në muajin korrik dhe ka kaluar në shumë vende derisa është liruar nga autoritetet e Gjibraltarit në muajin gusht, pas zotimeve se nuk do të dërgojë naftën në Siri.

Irani ka mohuar se nafta do të përfundojë në Siri, duke thënë se vetëm blerësi i anijes mund ta përcaktojë destinacionin e fundit.

Zyrtarët amerikanë kanë thënë se në disa pamje satelitore anija është parë afër portit të qytetit Tartus në Siri.

Kjo zonë është shfrytëzur nga Rusia për t’i ofruar ndihmë presidentit sirian, Bashar al-Assad në luftën civile tashmë tetëvjeçare.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...