Shefi i mafisë kalabreze, Francesco Pelle (43), u arrestua sot në Lisbonë pas një kërkimi 14-vjeçar nga policia, raporton agjencia e lajmeve italiane Ansa.
Policia arrestoi Pelle në një klinikë të Lisbonës ku ai po trajtohej për COVID-19.
Në një raport të agjencisë italiane thuhet se Pelle, kreu i mafisë së fuqishme kalabreze Ndrangheta, i cili kontrollon tregtinë e kokainës në Evropë, ishte në arrati që nga viti 2007.
Ai u dënua me burgim të përjetshëm pasi urdhëroi kryerjen e një masakre në prag të Krishtlindjes në vitin 2006, në të cilën u vra gruaja e shefit rival të mafisë Giovanni Luka Nirta.
Në këtë mënyrë, Pelle filloi një cikël hakmarrjeje, i cili arriti kulmin në masakrën në qytetin gjerman të Duisburg në gusht 2007, kur u vranë gjashtë persona.
Për shkak të lëndimeve që mori në një pritë në vitin 2006, Pelle mbeti në karrocë për invalidë dhe u zhduk në vitin 2007 ndërsa priste që Gjykata e Lartë në Milano të konfirmonte dënimin e tij të përjetshëm.
