Ballkani nën alarm për përmbytje - Bota Sot
Ballkani nën alarm për përmbytje

Evropë

Ballkani nën alarm për përmbytje

Më: 13 maj 2019 Në ora: 19:34
Përmbytje

Një valë intensive me reshje të dendura dhe erëra të forta, po godet që nga mbrëmja e djeshme rajone të gjera të Ballkanit Perëndimor, ku është lëshuar alarmi për përmbytje.

Situata është veçanërisht kritike në veriperëndim të Bosnje Hercegovinës, ku disa lumenj janë duke dalë nga shtrati duke krijuar situata të rrezikshme në disa fshatra.

Sipas medies lokale, rreth 200 shtëpi dhe rrugët përreth janë përmbytur. Skuadrat e ndihmave të shpëtimit janë në veprim për të siguruar banorët, në veçanti fëmijët dhe të moshuarit.

Alarmi i motit të keq, që shtrihet deri në fund të kësaj jave, prek edhe Serbinë me Kroacinë, ku reshjet shoqërohen me erëra të forta.

Janë nën vëzhgim të veçantë lumenjtë e mëdhenj si Danubi dhe Sava, që ishin në qendër të përmbytjeve shkatërruese të pesë viteve më parë në Ballkan, që ndodhën në të njëjtën periudhë në vitin 2014./ATSH/

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...