Një zjarr pyjor në Spanjë doli jashtë kontrollit të enjten në mes të një vale të nxehtë në Evropë, duke gllabëruar tokën pavarësisht nga përpjekjet e qindra zjarrfikësve që punuan gjatë natës, thanë autoritetet locale, shkruan AFP.
Zjarri shpërtheu të mërkurën pasdite në Torre del Espanol në rajonin verilindor të Katalonjës dhe nga e enjtja kishte shkatërruar më shumë se 4,000 hektarë, tha ministri i brendshëm i rajonit, Miquel Buch.
"Vështirësitë janë të tilla që ne nuk mund të flasim për një zjarr që është nën kontroll ose në fazën e zhdukjes, por më tepër se ne jemi në një moment kur zjarri po bëhet më i madh", tha ai për radion katalanase.
Në një deklaratë, qeveria rajonale e Katalonjës paralajmëroi se zjarri eventualisht do të gllabërojë 20,000 hektarë në atë që paraqiste një "rrezik ekstrem".