Një foshnjë që u lind përmes një procedure emergjente nga barku i nënës së vrarë nga therja me thikë ka vdekur të mërkurën. Lajmin e bëri të ditur policia britanike.
Policia Metropolitane e Londrës njoftoi se djali i porsalindur, i cili u pagëzua me emrin Riley, vdiq në spital në orën 3 e 1- minuta të mëngjesit të së mërkurës.
Pavarësisht përpjekjeve të mjekëve, nëna 26-vjeçare e foshnjës vdiq në skenën e krimit në pjesën jugore të Londrës pasi ishte therur me thikë të shtunën në mëngjes. Ajo ishte në muajin e tetë të shtatzënisë.
“Këtë mëngjes e morëm vesh lajmin e hidhur se foshnja e Kelly-t ka vdekur në spital. Lutjet tona janë për familjen e tyre”, tha shefi i policisë hetuese, Mick Norman, i cili është duke i udhëhequr hetimet për këtë rast.
Policia i ka publikuar disa pamje të siguruara nga kamerat e sigurisë, ku shihet një burrë që dyshohet si autor i këtij krimi. Ai është parë duke vrapuar afër vendit ku u ther për vdekje gruaja 26-vjeçare.
Përndryshe, autoritetet e sigurisë i kanë arrestuar dy burra në lidhje me këtë rast, por ata janë liruar më vonë për shkak të mungesës së provave kundër tyre, shkruan “CNN”.
