Policia turke në rajonin e Detit të Zi, në qytetin Bolu, sekuestroi substancën radioaktive kalifornium me vlerë 72 milionë dollarë, që përdoret për armë bërthamore dhe për termocentralet atomike.
Zyra e guvernatorit në Bolu është prononcuar përmes një deklarate në të cilën thuhet se Departamenti i Policisë kundër trafikimit dhe krimit të organizuar ndërmori një operacion gjigant për këtë çështje.
Policia gjeti 18,01 gram të substancës radioaktive kalifornium.
Substanca e sekuestruar kap vlerën e 72 milionë dollarëve, ndërsa sasia e konfiskuar e substancës në fjalë është dorëzuar në Agjencinë Turke të Energjisë Atomike.
Lidhur me sekuestrimin e substancës janë arrestuar pesë persona, ndaj të cilëve kanë nisur hetimet.
