Rreth 5.5 milionë italianë janë thirrur sot të votojnë në zgjedhjet rajoale në Calabria e Emilia Romagna.
Votojnë banorët e 732 komunave në këto dy rajone; 404 prej të cilave ndodhen në Kalabri e 328 në Emilia Romagna.
Sipas të dhënave zyrtare të shëprndara nga Ministria e Brendshme Italiane deri më orën 12 pjesëmarrja në votime ka qënë pak më shumë se 18.% me një tendencë rritjeje në krahasim me orët e para të mëngjesit. Numri më i lartë i votuesve, mbi 23%, është regjistruar në Emilia Romagna.
Këto zgjedhje konsiderohen dhe si një provë për qeverinë Conte 2, e cila pak ditë më parë hyri në një skenar të ri politik pas dorëheqjes së ministrit të Jashtëm Luigi Di Maio nga drejtimi politik i një prej forcave të koalicionit qeverisës, Lëvizjes 5 Yje.
Emilia Ramagna është një rajon që prej vitesh administrohet nga e majta italiane, po ashtu rajoni i Kalabrias nga viti 2014 e deri më tani është drejtuar nga qëndra e majtë italiane.
Vëmendje të veçantë i kushtohet rajonit të Emilia Romagna tradicionalisht një terren i fortë i së majtës italiane.
Analistët politikë e konsiderojnë si një barometër për të ardhmen e qeverisë Conte 2 . Nëse në këto zgjedhje në këtë rajon fiton qëndra e djathtë kjo do të influencojë fortësisht në të ardhmen e qeverisë Conte 2.
Sondazhet elektorale japin një skenar të paqartë mbi këtë rajone e dy kandidatët e qëndrës së majtë e qëndrës së djathtë për drejtimin e këtij rajoni; Stefano Bonaccini e Lucia Borgonzoni (Lega) janë në pikë të barabarta apo me një distancë votash mjaft të vogël.
Kandidati i tretë Simone Benini i 5 Yjeve është një pikë mjaft larg me dy kandidatët e tjerë.