Të premten, numri i njerëzve në Gjermani të infektuar me COVID-19 u rrit në 3.059. Gjashtë prej tyre kanë vdekur deri më tani. Kjo është afërsisht dy persona për çdo njëmijë raste.
Këta numra dallohen shumë kur krahasohen me vendet e tjera të prekura rëndë si Kina, Italia, Irani, Koreja e Jugut, Spanja apo Franca.
Në Kinë, është afro 39 vdekje për 1000 njerëz të infektuar, në Itali është 71, në Iran 45 dhe në Spanjë 28.
Si është e mundur që shteti i fuqishëm të ketë kaq pak vdekje?
Në një konferencë për shtyp të mërkurën e kaluar, Prof. Dr. Lothar H. Wieler, Presidenti i Institutit Robert Koch në Berlin tha, “Që nga fillimi, ne kemi thirrur shumë sistematikisht mjekët tanë që të testojnë njerëzit”.
Ai shtoi se sistemi gjerman mund të sigurojë “testimin në një shkallë të lartë, në mënyrë që të mund të shohim me lehtësi fillimet e epidemisë”.
Wieler gjithashtu shpjegoi se ky është vetëm fillimi për Gjermaninë. “Nëse imagjinoni një epidemi si një kurbë, atëherë ka vende që janë thjesht më tej” në përparimin e kësaj epidemie.
Ai pret që numrat e rasteve dhe numri i vdekjeve të rriten, ashtu si ato në vendet e tjera të prekura.
Profesori vuri në dukje se Gjermania po shkëmben informacione me vendet e tjera për të mësuar në lidhje me zhvillimin e sëmundjes dhe po bashkëpunon në koncepte për të përmirësuar pandeminë.
“Për sa kohë që kjo epidemi vazhdon të prekë vendin tonë, do të duhen muaj, sigurisht, ndoshta vite”.
Ai u përqendrua në nevojën për të mbrojtur grupin e njerëzve me rrezik të lartë duke mos i ekspozuar ata në radhë të parë.
Ndërkohë, një virolog italian tha se numri i ulët i vdekjeve gjermane “është një pyetje që askush nuk mund t’i përgjigjet me të vërtetë”.
