Një grua që është bërë gjykatësja e parë me hixhab në Britani të Madhe – motivon edhe njerëzit e tjerë të fesë islame, t’i realizojnë ëndrrat e tyre.
Sipas mediave të huaja, Raffia Arshad, 40 vjeçe, ka ëndërruar gjithmonë një karrierë në drejtësi që nga mosha 11 vjeçare – përkundër dyshimeve që përshkuan rrugëtimin e saj.
Ndërkaq afro 30 vjet më vonë, ajo u emërua javën e kaluar Zëvëndës Gjykatëse e rajonit të Midlands në Britani të Madhe.
Arshad dëshiron që arritja e saj të dëgjohet me zë të lartë, ndërkaq tregon se ky rezultat është i rëndësishëm për gratë myslimane.
“Është e çuditshme, megjithëse kam punuar shumë për disa vite”, shprehet ajo.
